سمین

سَمین

کدی بارین پدءَ پاهار کنت دل
کجام مهرءَ گُلے اوپارکنت دل
زھیرانی مَزَن اُمیتی یَهت ءَ
پہ دیداری وتءَ سینگارکنت دل
چہ پیم چونیں وڈی نوں داب کاریت
پہ ناز رازی دگہ بیدار کَنت دل
بری سیستان وسرحدءُ رمشکین
بری نیَّت پرآ چهبار کنت دل
پہ بال انت دل گوشءِهرٹیمبءُساهت
خیالا دیدِنءُ دیدار کنت دل
بری زامات بیت پردلبری نوک
سمینءَ نون وَتی دِشتار کنت دل
سّمین بانور بیتءُ هور گواریت
بهارگاهءَ وتی وَستار کنت دل
قلم کشین پری آهوگ رواجین
زمانَگ رام بیت رَهوار کنت دل
شمشتءَ مں شُدءَ چءَ عشقے بیمءَ
تُرُسّءَ چءَ وتءَ نوں گار کنت دل
سیدمرچءَ رٹوکءُ فاغلءِ تو
گهیڈانءَ گنوکین سار کنت دل